ســــمــــــوؤوؤ ] الـــ غ ــــــ ـــــــ ــــــــيــــــمــــــ [

مـــرحـــبـــا...

عزيـــزي الزائــــر ,,,

يسعدنا أن تنظم لأسرة منتدى ســـمــــو الــ غ ـــيـــمـــ

و حياكم الله ....

نرتقـــــي رقــــــي الـــ غ ــــــيـــــمــــ


    اشياء بس بالسعوديه

    شاطر

    حبي بروي
    غيـــمـــ نشــــط
    غيـــمـــ نشــــط

    عدد المساهمات : 20
    تاريخ التسجيل : 16/07/2011

    اشياء بس بالسعوديه

    مُساهمة  حبي بروي في الأحد يوليو 17, 2011 11:27 am

    الاشياء اللي تصير في السعودية بس

    الاشياء الي تصير في السعوديه بس



    - دائماً مسرعين وماوراهم ولاااااا شي



    -لازم هوشه في اي لعبه جماعيه سواء كانت " كيرم " الى " بلوت " مروراً بـ " بلاي ستيشن "



    -شي لازم يمر بطفولة كل بزر .. انت مب ولدنا لاقينك بالشارع << تعقيد



    - الأم السعودية اذا ضاع ولدها تبكي .. وإذا لقته طقققققته هع



    -لازم تنكسر صينية ولا كاسة شاهي بالبيت اذا فيه ضيووف هع




    -كل الحريم عيالهم ما يآكلون ، حتى السمين:مسيكين وليدي مهوب يآكل أبدددد


    -كل الهنود و الاجانب اسمهم محمد خخخخخخ


    -الحريم اذا اتصلوا على الرجال اول كلمه تكون : وينك؟ الرد دايم : قريّب


    -اي طالب سعودي "ما يداوم اول يوم بعد اي إجازة" او "اخر يوم قبل الاجازة" ماتفرق إجازة الصيف ولا إجازة خمس ايام غايب غايب



    -في كل بيت لازم مجلس للحريم ومجلس للرجال ويشوهون مخطط البيت ومع كذا مايجيهم احدمن جد خخخ



    -أم توصي عيالها : اذا سألوكم اي شيء قولو مدري



    - الطلاب ما يذاكرون للاختبار إلا ليلة الاختبار وينجحون بأمتيازهذا الشي حير علماء العالم هههههههه



    -في البلاك بيري" طول الوقت بره واكل تايم ووكوفي تايم ومول تايم والي يسمع يقول بلندن,,من زين الاماكن



    -فشلتونا :كلمة يقولها الولد لأهله إذا جاء يمشّيهم > هههههههههههههه



    -الكبار يمسكون البزر ويحجرون له : من تحب اكثر امك ولا ابوك؟ ~> إلى الان السسؤآآل مسستمر



    -يوم الجمعه "يوم السمك العالمي >هههه



    - ما يعرفون يطلبون بالكوفي إلا : "كبتشينو" وبعد إدمان للكافيهات .. صاروا يعرفون : موكا



    - يستخدمون كأسات الجبن السايل للشرب( كرافت )



    - في عز الفرحة "مناسبه سعيدة، عيد، سفر،مجتمعين على الغداء ..الخ"، تلقى الام تهاوش بناتها و الولد يضرب اخواته خخ


    - سوالف البنات بعد البارتي=>انا اكشخ وحده-وانا احلى وحده-ويوم مريت كلهم ناظروني<حركات الشعور بالنقص ودك تلفعها وهي تسولف



    -لا تسلّمين خليها هي تسلّم ..لا تسلّم خله هو يسلّم ويخلص العرس وماسلموا على بعض >خخخ


    -البنت ترجع من مناسبه ركض لآمها/ فيني ضيقه شفت نوير تطالع فيني ولا ذيك مدحتني ماقالت ماشاء الله > آعع مافي الا انتي بالعرس


    -عند كل سوق لازم تلقى مجموعه شباب يبون يدخلون وهم يدرون أنه عوائل ههههه



    - سعودي يسأل عامل اجنبي ... انتا مسلم؟ مين كفيل؟ وين شغل؟ كم سالاري؟ امممممم ايش اسم انتا يا محمد


    -حالة طوارئ يوميا الساعه السابعه صباحا


    -إمك وابوك من عرفتهم وهم الأوائل في كل دراستهم وأنت اللي ما طلعت عليهم



    -اذا طلع البر صار عربجي وراعي هياط واذا راح البحر صار كوول هذا اسمه التكيف مع البيئه هههه


    -أول يوم برمضان حزة اذان المغرب:اذن؟ لا ما اذن؟ الا كني سمعته! اطلع شف اذّن ولا لا؟ شوفوا بالتقويم متى وقت الآذان ؟ طيب حطو القناة الاولى نشوف


    -نفتح الثلاجه واحنا شبعانين ونفتح الثلاجه واحنا جوعانين كلها بداعي الفضول لا اكثر :



    - اذا خلصت بطارية الريموت يجلس يعضه ويعضه ويركبه ويشتغل الريموت ويحس انه سوا انجاز


    -الرجل السعودي : يلا انا عند الباب اطلعي وهو باقي له ربع ساعه ياصل البيت << مايتحملون الانتظار ومع هذا متعود تلطعه



    -مواصفات زوجة المستقبل عند اي سعودي .. طويلة وبيضا وشعرها طويل .. في الاخير يتجوز العكس هههههه


    -الحريم يقضون 9 ساعات بصوالين المكياج وساعتين بالزواج > هههههههههههههههههههههههه




    -شعب يعرف عن كل شئ وله تجارب في كل شئ لو سألت احدهم حتى لو مايعرف عيب في حقه يقول ما اعرف



    -السؤال اللي مابطّلوه إذا شافوا ولد في عزيمة .. تدرس ؟؟ سنة كم ؟؟ ماشاء الله نجحت ؟؟


    - مريحين يدينا و نستخدم اصبع الرجل الكبير عشان نطفي التوصيله/السوني/الاكس بوكس/الرسيفر/واذا فيه لياقه نطفي التلفزيون بعد


    -الزوجه لازم تكون ام وطباخه ومربيه وكهربائيه وممكن سباك اما الرجال يدوام وكثر الله خيره


    - أكبر بنت وولد على اسم الجد والجدة """"بنتهم الكبيرة لطيفة والثانية ميار


    -اذا بيقومون شخص ، يطفون المكيف يفتحون اللمبات يشيلون الفراش خخخخخخخ واحياناً يرشون الوجه مويه


    -البنت السعودية الصغيرة ما تطفش من لعبة "الحريم"و تمثل دور البنت الكبيرة المتزوجة


    --عندهم مشكلة مع الجنسيات الأخرى ! يحسون أنفسهم أحسن ناس xd محد قدهم ! وباقي الشعوب زبالة


    - الصغار ما يحبون يسلمون عالضيوف الا بالقوه .. وبالعيد ما يخلون احد ما يسلمون عليه عشان العيديه


    -تسافر لبيت جدك و يستقبلوك من ٨ الى ١٠ بزارين ولا تدري من ذولي يطلعون عيال عمامك كلهم بنفس العمر وجو للحياه فجاه تقال شارينهم



    - الطفل السعودي اذا كان بالشارع ومرت سياره يشوت نعلته علشان تدعسها السياره


    - العائله السعوديه اذا راحوا لمكه لازم يسكنون بنفس الشقه حقت العام والا ماكأنهم راحوا لمكه

    اذا كنت تحس ان كل الي ينكتب هنا يصير بحياتك
    فـمبروووووك انت سعودي <- احس اننا عائله وحده

    لا تبخلون علي بردودكم

      الوقت/التاريخ الآن هو الأحد ديسمبر 11, 2016 12:05 pm