مانتي كفو للي يحبك ويغليك

منتي كفو للي يحبك ويغليك
وش عاد لوإنك بغيتي تروحين

ومنتي كفو للي يجيك ويراضيك
توكلي يابنت ولا ابيك ترضين

ومنتي كفو قلب مشى في مماشيك
واليوم برحل عنك وانتي تشوفين

اول زمانك لاتضايقت اواسيك
والليل ماانومه وانتي تنومين

واول زمانك لاتوجعت اراعيك
كنت ادعي الرحمان وانتي تسمعين

واول زمانك كنت اعادي اللي يعاديك
شلتك يوم الكل شافك تموتين

عزاه ياقلبي يوم جاب طاريك
سالت دموعه تذرف الدمع دمعين

يابنت بعد اللي ذكرته بمعاليك
وش اللي حدك على إنك تخونين ؟؟؟؟